“Hyundai” TIR-ın altına girdi; 5 nəfər öldü - FOTO

Türkiyənin Ankara şəhərində iki nəqliyyat vasitəsinin iştirakı ilə ağır yol qəzası baş verib. Avtosfer.az DHA-ya istinadən xəbər verir ki, hadisə avqustun 3-də günorta saatlarında Ankara-Konya avtomagistralının Gölbaşı rayonundan keçən hissəsində qeydə alınıb.

Məlumata görə, yüksək sürətlə hərəkətdə olan “Hyundai” markalı mikroavtobus, sürücünün idarəetməsindən çıxaraq park vəziyyətində olan TIR-a arxadan çırpılıb.

Zərbənin şiddətindən mikroavtobusun yarıdan çoxu yük maşınının altına girib.

Qəza nəticəsində 5 nəfər dünyasını dəyişib.

Faktla bağlı araşdırmalara başlanılıb.

Namiq Musayev