İki nəhəng toqquşdu, yol bağlandı - VİDEO+FOTO

Bu dəqiqələrdə Nobel prospektində iki ağır yük avtomobili toqquşub. Avtosfer.az-a məlumat verən hadisə şahidlərinin bildirdiyinə görə, qəza nəticəsində Nobel prospektindən üzü şəhər istiqamətinə nəqliyyatın hərəkətində sıxlıq yaranıb. Hadisə yerinə Dövlət Yol Polisi əməkdaşları gəlib. Qəza Nobel prospektindən NZS qəsəbəsinə dönən yoldakı svetoforda baş verib. Hadisə zamanı ölən olmasa da, xəsarət alan var.

Avtosfer.az hadisə yerindən çəkilmiş videonu təqdim edir.

***

“Avtosfer.az” Nəqliyyatı İntellektual İdarıetmə Mərkəzinə istinadən xəbər verir ki, qəza Alfred Nobel prospektinin Süleyman Əhmədov küçəsi ilə kəsişməsində, şəhər istiqamətində baş verib. Yol nəqliyyat hadisəsi nəticəsində yolda tıxac yaranıb. Sürücülərə alternativ olaraq Ramiz Quliyev küçəsindən istifadə etməklə Babək prospekti ilə hərəkət etmələri tövsiyə olunur.

Emin