İsmayıllıda 2 maşın toqquşdu: 4 nəfər yaralandı - VİDEO

İsmayıllı rayonunda 4 nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az APA-ya istinadən verdiyi xəbərə görə, hadisə Muğanlı-İsmayıllı yolunun 37-ci kilometrliyində, Talıstan kəndi ərazisində qeydə alınıb. Ağdaş sakini, 1971-ci il təvəllüdlü Arif Babayevin idarə etdiyi 10-KO-855 dövlət nömrə nişanlı “VAZ 2110” markalı minik avtomobili qarşı tərəfdən gələn İsmayıllı sakini, 1987-ci il təvəllüdlü Fariz Ağayevə məxsus 20-CL-379 dövlət nömrə nişanlı “Opel” markalı avtomobillə toqquşub. Hadisə zamanı hər iki avtomobilin sürücüsü və “Opel”dəki 2 nəfər sərnişin, 1988-ci il təvəllüdlü Gülşən Babayeva və 2000-ci il təvəllüdlü Həmid Babayev xəsarət alıblar. Onlar İsmayıllı rayon Mərkəzi Xəstəxanasına yerləşdiriliblər.   

Faktla bağlı araşdırma aparılır.