İdarəetməni itirən sürücü avtomobili işıq dirəyinə çırpdı - FOTO

Sumqayıt şəhərində yol-nəqliyyat hadisəsi baş verib.

“Report” xəbər verir ki, hadisə şəhərin 6-cı mikrorayon ərazisində qeydə alınıb.

Belə ki, sürət həddini aşan 99-PX-064 dövlət nömrə nişanlı avtomobilin sürücüsü idarəetməni itirib.

Nəticədə avtomobil yolun kənarındakı işıq dirəyinə çırpılıb. Zərbədən işıq dirəyi aşıb.

Əraziyə Yol Polisi Xidməti əməkdaşları cəlb edilib. Faktla bağlı araşdırma aparılır.