İşçiləri daşıyan avtobus yol nişanına çırpıldı; 2 ölü, 12 yaralı - FOTO

Türkiyənin Eskişehir vilayətində işçiləri daşıyan avtobusun iştirakı ilə ağır yol qəzası baş verib. Avtosfer.az DHA-ya istinadən xəbər verir ki, hadisə avqustun 28-də səhər saatlarında Eskişehir-Ankara avtomagistralının avtovağzal istiqamətindən keçən hissəsində qeydə alınıb.

Məlumata görə, fabrika işçilərini daşıyan, Məhmət İlikin idarə etdiyi 26 S 0283 qeydiyyat nömrə nişanlı avtobus, idarəetmədən çıxaraq yol kənarındakı istiqamətgöstərici lövhəyə çırpılıb.

Zərbənin şiddətindən aşan avtobus deformasiyaya uğrayıb.

Qəza nəticəsində 2 nəfər ölüb, daha 12-si isə xəsarət alıb. Yaralılar, hadisə yerinə cəlb olunan təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırma aparılır.

Namiq Musayev