"Kamaz" 15 minik avtomobili ilə toqquşdu

Rusiyanın Sverdlovsk əyalətində dəhşətli yol qəzası baş verib. Lent.az-ın məlumatına görə, yolların buz bağlaması səbəbindən “Kamaz” markalı yük və 15 minik maşını toqquşub. Qəza nəticəsində 1 nəfər dünyasını dəyişib. Qeyd edək ki, öncə 3 avtomobil sürüşərək, bir-biri ilə toqquşub. Bunu görən “Kamaz”ın sürücüsü əyləci bassa da, yük maşınını saxlaya bilməyib. Əksinə, “Kamaz” əks yola çıxaraq, qəzanın bir qədər də böyüməsinə səbəb olub. Tıxacın olması isə digər avtomobillərin də zərər çəkməsinə şərait yaradıb.