Kəlbəcərdə qəza: Daşla dolu “KamAZ” dərəyə aşdı - VİDEO

Kəlbəcər rayonu, Keşdək kəndində yol-nəqliyyat hadisəsi baş verib.

Avtosfer.az-ın məlumatına görə, qəza avqustun 20-də səhər saatlarında qeydə alınıb. Belə ki, hərəkətdə olan 77-UB-466 dövlət nömrə nişanlı “KamAZ” markalı yük maşını yoldan çıxaraq dərəyə düşüb. İddialara əsasən, qəzaya səbəb sürücünün sükan arxasında yuxulaması olub. Nəticədə idarəetməni itirən sürücü daşla dolu yük maşınını dərəyə aşırıb. Hadisə zamanı nəqliyyat vasitəsi yararsız vəziyyətə düşüb, sürücü müxtəlif dərəcəli bədən xəsarətləri alıb.

Qeyd edək ki, faktla bağlı araşdırma davam edir. 

Nərmin