“Khazar” markalı avtomobil ilə 2 qəza - 2 nəfər öldü

Mayın 7-də saat 19 radələrində Ucar şəhəri ərazisində Elçin Mahvalıyev idarə etdiyi “Khazar” markalı avtomobili yolun kənarına aşırıb və nəticədə hadisə yerində ölüb.

Daxili İşlər Nazirliyindən (DİN) Avtosfer.az-a verilən məlumata görə, eyni markalı avtomobillə mayın 8-də daha bir hadisə qeydə alınıb. Belə ki, saat 3 radələrində Sumqayıt şəhəri ərazisində şəhər sakini R.Məmmədov idarə etdiyi “Khazar” markalı avtomobili yolun kənarındakı maneəyə vurub.

Nəticədə avtomobildə olan sərnişin Elxan Səmədov hadisə yerində ölüb, sürücü isə xəstəxanaya yerləşdirilib. 

Hər iki faktla bağlı araşdırma aparılır.