Kürdəxanıda əks yola çıxan “Hyundai” sürücüsü ağır qəza törətdi - ANBAAN VİDEO

Bakının Sabunçu rayonu Kürdəxanı qəsəbəsində baş vermiş qəza anbaan kameraya düşüb.
Avtosfer.az-ın məlumatına görə, hadisə mayın 25-də səhər saatlarında qeydə alınıb. Belə ki, 20-BX-363 dövlət nömrə nişanlı “VAZ-2106” markalı maşın, 19-BX-380 dövlət nömrə nişanlı “Hyundai Elantra” markalı avtomobilə çırpılıb. Yola baxmadan hərəkət edən “Hyundai” sürücüsü qoşa xəttin tələbini pozaraq əks istiqamətli yola çıxır. Bu zaman sol tərəfdən gələn “VAZ”la toqquşur və  zərbənin təsirindən fırlanır. Hadisə zamanı hər iki nəqliyyat vasitəsinə maddi ziyan dəyib. Xoşbəxtlikdən sürücülər arasında xəsarət alan olmayıb. Hadisə yerinə DYP əməkdaşları cəlb olunub. Faktla bağlı araşdırma davam edir. 
Qeyd edək ki, hadisənin görüntüsünü paylaşan “VAZ” sürücüsü qəzadan yayınmaq üçün qarşı tərəfə manevr etdiyini bildirib.

Nərmin