Lənkəranda "07" yoldan çıxıb daş hasara çırpıldı, 2 ölü, 1 yaralı var - FOTO - YENİLƏNİB
Qəzalar 8 Avqust 2022 21:39 Oxunub 3618
Lənkəranda "07" yoldan çıxıb daş hasara çırpıldı, 2 ölü, 1 yaralı var   - FOTO - YENİLƏNİB

Lənkəran rayonunda da baş verən ağır yol qəzasında ölənlərin və yaralanan şəxsin kimliyi məlum olub.

 
"Report"un Cənub mərkəzinin verdiyi məlumata görə, hadisə nəticəsində 1999-cu il təvəllüdlü Fariz Ramiz oğlu Əliyev və 2000-ci il təvəllüdlü Ruslan Natiq oğlu Hüseynzadə ölüb.
 
1990-cı il təvəllüdlü Tərlan İslam oğlu Rəhimov isə yaralanıb, onun vəziyyəti ağır olaraq qalır. 
 
Onların hər üçü Lənkərəan rayonunun Səpnəkəran kənd sakinləridir.

***

Lənkəran rayonunda yol qəzası baş verib. Report-un verdiyi məlumata görə, hadisə Vel kəndi ərazisində, məktəb yolunda qeydə alınıb. “VAZ-2107” markalı, 44 CF 979 dövlət qeydiyyat nişanlı avtomobil idarəetmədən çıxaraq yol kənarındakı daş hasara çırpılıb. Nəticədə nəqliyyat vasitəsində olan üç nəfər müxtəlif dərəcəli bədən xəsarətləri ilə Lənkəran Rayon Mərkəzi Xəstəxanasına çatdırılsa da, onlardan ikisinin həyatını xilas etmək mümkün olmayıb. Qəzada ölənlər və yaralananın Lənkəran rayonunun Səpnəkəran kənd sakinləri olduğu, kimliklərinin dəqiqləşdirildiyi bildirilir.

Meyitlər müayinə olunması üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Lənkəran rayon şöbəsinə təhvil verilib.

Faktla bağlı araşdırma aparılır.

ŞƏRH YAZ
Ad

E-mail

Şərh