Lökbatanda “Prius” zəncirvari qəza törətdi, sürücü ağır yaralandı - VİDEO

Abşeron rayonu, Lökbatan qəsəbəsində yol-nəqliyyat hadisəsi baş verib.

Avtosfer.az-ın məlumatına görə, qəza oktyabrın 7-də səhər saatlarında Xocasən yolunda qeydə alınıb. Belə ki, hərəkətdə olan “Toyota Prius” markalı maşın, 40-BU-404 dövlət nömrə nişanlı “Jeep” markalı və “Toyota Prius” markalı avtomobillərə çırpılıb. Hadisə şahidlərinin iddiasına əsasən, qəzaya səbəb yüksək sürət həddi olub. Nəticədə bir-biriylə toqquşan hər üç nəqliyyat vasitəsinə ciddi maddi ziyan dəyib. Qəzaya səbəb olan “Toyota Prius” markalı avtomobilin sürücüsü müxtəlif bədən xəsarətləri alıb. Yaralı təcili xəstəxanaya yerləşdirilib. Hazırda vəziyyətinin ağır olduğu bildirilir.

Faktla bağlı araşdırma davam edir.

Nərmin