Maşın betona çırpıldı - 1 ölü,1 yaralı

İmişli rayonu ərazisində ölümlə nəticələnən yol qəzası baş verib. Avtosfer.az xəbər verir ki, bu haqda İmişli rayon Polis Şöbəsindən APA-ya məlumat verilib. Məlumata görə, qəza dekabrın 24-də axşam saatlarında İmişli rayonunun Boşçalılar-Sərxanlı kənd yolunda qeydə alınıb. Sarxanlı kəndi istiqamətində hərəkətdə olan, Novruz Vəliyev idarə etdiyi "VAZ-2107" markalı avtomobil əvvəlcə körpünün qoruyucu hissəsinə, daha sonra isə betona çırpıb. Nəticədə “VAZ-2107”-də olan sərnişin, 61 yaşlı Qara Hüseynov hadisə yerində keçinib. Avtomobilin sürücüsü isə müxtəlif dərəcəli bədən xəsarətləri alaraq İmişli Rayon Mərkəzi Xəstəxanasının travmatologiya şöbəsində yerləşdirilib. Faktla bağlı araşdırma aparılır.