Maşınlar elektrovoza çırpıldı: ölən və yaralılar var

Xızıda ağır yol-nəqliyyat hadisəsi baş verib. Avtosfer.az-ın Daxili İşlər Nazirliyinin mətbuat xidmətinə istinadən məlumatına görə, Sitalçay kəndində qorunmayan keçiddə Sumqayıt şəhər sakini İxtiyar Hadıyev idarə etdiyi “Volkswagen” markalı avtomobili elektrovoza vurub. Hadisə nəticəsində sürücü və sərnişini xəstəxanaya yerləşdirilib. Bənzər hadisə Şəmkir rayonunda da qeydə alınıb. Sabirkənd kəndində qorunmayan keçiddə Zəyəm qəsəbə sakini Sənan Bayramovun idarə etdiyi "VAZ 2109" markalı avtomobili elektrovoza vurub. S. Bayramov hadisə yerində ölüb. Hər iki faktla bağlı araşdırma aparılır.

Emin