Mikroavtobus qəzası nəticəsində onlarla sərnişin xəsarət alıb

Türkiyədə mikroavtobus qəzası nəticəsində onlarla sərnişin xəsarət alıb.

Avtosfer.az-ın məlumatına görə, bu barədə “Report” yerli mətbuata istinadən xəbər verir.

Məlumata görə, Elazığ-Diyarbəkir magistral yolunda mikroavtobusun aşması nəticəsində sürücü də daxil olmaqla 22 nəfər xəsarət alıb.

Hadisə yerinə təcili yardım, polis, jandarm və xilasedicilər cəlb olunub.

Yaralılar təcili yardım maşınıyla xəstəxanalara aparılıb.