Motokros yarışında 65 yaşlı motosikletçi öldü

Çexiyanın Litomışl şəhəri yaxınlığındakı Banatki kəndində keçirilən motokros yarışı zamanı bir motosikletçi həlak olub.

Avtosfer.az Trend-ə istinadən xəbər verir ki, bu barədə respublikanın xilasetmə xidmətinin mətbuat katibi Alena Kisiala məlumat verib.

"Litomışl yaxınlığındakı Banatki kəndi yaxınlığında keçirilən motokros yarışı zamanı yarış iştirakçılarından biri həlak olub", - o qeyd edib.

Yarışda 139 idmançı iştirak edib. Ölən şəxs 1960-cı il təvəllüdlüdür və yarışın ən təcrübəli iştirakçılarından biri olub.