Növbəsini gözləmədən yolayrıcına girən “Changan” “Opel”lə toqquşdu - ANBAAN VİDEO

Paytaxtın Nizami rayonunda baş vermiş yol qəzası anbaan avtomobilin videoregistratoruna düşüb.

Avtosfer.az-ın məlumatına görə, hadisə noyabrın 19-da saat 18:46 radələrində qeydə alınıb. Görüntüdən də aydın olduğu kimi, yolayrıcına daxil olan “Opel” markalı avtomobil sağ tərəfdən gələn “Changan” markalı maşına çırpılır. Belə ki, ikinci dərəcəli yolda olan “Changan”nın sürücüsü növbəsini gözləmədən hərəkət  edir. Nəticədə baş yoldan gələn “Opel”lə toqquşur.
Qeyd edək ki, hadisə zamanı avtomobillərə maddi ziyan dəyib, “Changan”ın sürücüsü qolundan xəsarət alıb.

Xatırladaq ki, nizamlanan yolayrıcı işıqforla tənzimlənsə də, nizamlanmayan yolayrıcında hərəkət üstünlüyü baş yoldakı nəqliyyat vasitələrində olur. Lakin bəzi sürücülər baş yolda olan maşınları gözləmədən yolayrıcına daxil olurlar və videodakı sürücü kimi qəzaya səbəb olurlar. Bu xətanı törədən sürücülər İnzibati Xətalar Məcəlləsinin 327.2-ci maddəsinə əsasən, 3 bal və 100 manat cərimələnə bilərlər.

Nərmin