Özünü yola atan piyada motosikletin altında qaldı - VİDEO

Yolu müəyyən olunmayan yerdən keçən piyadanı motosiklet vurub. Avtosfer.az xəbər verir ki, hadisə 2022-ci ilin aprel ayında baş verib. Belə ki, yolda nəqliyyat vasitələrinin hərəkətinə əhəmiyyət verməyən piyada yolu qaçaraq keçib. Bu zaman motosikletin sürücüsü qəzadan yayına bilməyib. Nəticədə həm piyada xəsarət alıb, həm də motosiklet aşıb.

Əksər piyadalar yolu istədikləri yerdən və istədikləri formada keçirlər. Düşünürlər ki, sürücülər onlara yol verəcək. Yaxınlıqda keçid olan hallarda belə piyadalar yolu daha tez keçmək üçün təhlükəli yerdən istifadə edirlər. Nəticədə ya xəsarət alırlar, ya da ölürlər. Hər iki halda tələsərək geri düşmüş sayılırlar. Piyadalara tövsiyə edirik ki, yolu keçən zaman keçiddən istifadə etsinlər və qaydalara heç zaman dırnaqarası baxmasınlar.


Fərid