Polisləri gücdən salan dəvəquşu - küçədə tıxac yaratdı -VİDEO

Fermadan qaçan dəvəquşu yolda nəqliyyatın hərəkətini iflic etdi. Qəribə hadisə Çinin şərqində  baş verib. Yola çıxan dəvəquşu bir neçə dəfə qəza şəraiti yaradıb. Hətta polislər saatlarla dəvəquşunu ram edə bilməyib. Avtosfer.az atvxəbər-ə istinadən bildirir ki, müşahidə kamerasından lentə alınan görüntülərdə iri dəvəquşunun avtomobil yolunda, bir yük maşınının arxasınca qaçdığı öz əksini tapır. Boyu 2 metrdən hündür olan dəvəquşunu yaxalamaq üçün əraziyə yol polisləri cəlb olunub. Saatlarla davam edən dəvəquşu tutma əməliiyyatından sonra yolda hərəkəti bərpa etmək mümkün olub. Məlum olub ki,  ortalığı qatan dəvəquşu şəhər sakinlərindən birinə məxsusdur. Sahibi həyətində 2 dəvəquşu saxladığını, onlardan birinin səhər saatlarından yoxa çıxdığını təsdiqləyib. Yeri gəlmişkən, bu hal Çində ilk dəfə baş vermir. May ayında Zanqjou şəhərində də eyni növdən olan başqa bir canlı polislərə və sakinlərə çətin anlar yaşatmışdı.