Premyer Liqa futbolçusu ağır qəzaya düşdü - FOTO

İngiltərə Premyer Liqasının “Vest Hem Yunayted” klubunun futbolçusu Maykl Antonio ağır qəzaya düşüb.

Avtosfer.az xəbər veirr ki, bu barədə klub məlumat yayıb.

Bildirilib ki, futbolçunun vəziyyəti stabildir:

“Biz təsdiq edə bilərik ki, Antonio bu gün yol qəzasına düşüb. Bütün klub işçiləri üşüncə və duaları ilə Mayklın, ailəsinin və dostlarının yanındadır”.

Mayklın hazırda London xəstəxanasında nəzarət altında olduğu deyilir.

Qəza zamanı futbolçunun maşını ciddi ziyan görüb.

Qeyd edək ki, bu mövsüm Antonio Premyer Liqada 14 oyun keçirib və 1 qol vurub. İngiltərə çempionatının turnir cədvəlində “Vest Hem” 15 xalla 14-cü yerdədir.

(qafqazinfo)