Qaradağda iki yol qəzası: 1 ölü, 4 yaralı

Bakının Qaradağ rayonunda ağır yol nəqliyyat hadisəsi baş verib. Daxili İşlər Nazirliyinin mətbuat xidmətindən Avtosfer.az-a verilən məlumata görə, hadisə rayonun Qızıldaş qəsəbəsində qeydə alınıb. Hacıqabul rayon sakini Bəhruz Əzizovun idarə etdiyi “VAZ-2107” və Cəlilabad rayon sakini Mahmud Mayılovun idarə etdiyi “Nissan” markalı avtomobilər toqquşub. Nəticədə hər iki sürücü xəstəxanaya yerləşdirilib. Bəhruz Əzizov orada ölüb. Daha bir yol qəzası Qaradağ rayonunun Lökbatan qəsəbəsində qeydə alınıb. Bakı şəhər sakini Pərviz Hüseynovun idarə etdiyi “Mercedes” və Abşeron rayon sakini Rəfayel İsmayılovun idarə etdiyi “Opel” markalı avtomobillər toqquşub. Hər iki sürücü və R.İsmayılovun 2 sərnişini xəstəxanaya yerləşdirilib.