Qatar selfi çəkdirən kişinin üstündən keçdi

Daha bir selfi həvəskarı faciəvi şəkildə dünyasını dəyişib. Avtosfer.az xəbər verir ki, Amerikanın Vaşinqton ştatında dəmir yolunda sevgilisi ilə selfi çəkdirən kişi qatarın altına düşüb. Polis rəisinin sözlərinə görə, hadisə şənbə günü - 21 fevralda baş verib. Oreqon sakini ilə selfi çəkdirən qız zərər çəkməyib. Polis vəfat etmiş şəxsin adını açıqlamayıb. Ailəsi hələ onun faciəvi şəkildə ölməsindən xəbərsizdir. Hadisə dəmir yolunda hərəkətin məhdudlaşmasına səbəb olub. Yeddi qatarın hərəkəti dayandırılıb. Hüquq-mühafizə orqanları hadisəni araşdırırlar. Xatırladaq ki, bundan əvvəl Hindistanda üç kollec tələbəsi yaxınlaşmaqda olan qatarın fonunda selfi çəkdirməyə cəhd edərkən qatarın altında qalmışdılar.