Qəza törədən sərxoş sürücü maşından düşə bilmədi - VİDEO

Qəza saat 18:25 radələrində Yevlax-Zaqatala-Gürcüstan magistral yolunun 48-ci km-də Şəkinin Daşüz kəndi ərazisində qeydə alınıb. Avtosfer.az Region TV-ə istinaədn xəbər verir ki, hadisə zamanı Füzuli rayon sakini Məmmədov Həsən Saday oğlu idarə etdiyi 10-DR-178 dövlət nömrə nişanlı «VAZ-2107» markalı avtomobillə Zaqatala istiqamətində hərəkətdə olarkən idarəetməni itirərək avtomobili yoldan çıxarıb.  Xoşbəxtlikdən qəza zamanı avtomobilə və sürücüyə heç nə olmayıb. 

Hadisə yerinə Şəki TTTYS-nin həkim briqadası cəlb olunub. Lakin hadisə zamanı maraqlı bir fakt qeydə alınıb. Belə ki, sürücünün tamamilə sərxoş olduğu bəlli olub. Hadisə zamanı sürücü avtomobilin qapılarını kilidləyərək ilk olaraq  avtomobildən düşməkdən imtina edib. Lakin sonradan yol patrul xidməti əməkdaşlarının  köməkliyi ilə sürücü avtomobildən düşürülüb. Daha sonra sürücü həkim baxışından keçdikdən sonra DYP-nin ərazidə yerləşən postuna aparılıb. Hadisənin sürücünün avtomobili sərxoş idarəetməsi səbəbindən baş verdiyi bildirilir. Fakt araşdırılır.