Qubada avtomobil ağaca çırpılıb, xəsarət alanlar var

Qubada ağır yol-nəqliyyat hadisəsi baş verib.

Avtosfer.az "Report"a istinadən xəbər verir ki, hadisə rayonun  Quba-Xaçmaz yolunun Zərdabi qəsəbəsi ərazisindən keçən hissəsində qeydə alınıb.

Belə ki, “BMW” markalı avtomobil yol kənarındakı ağaca çırpılıb.

Hadisə nəticəsində iki nəfər Xaçmaz rayon Mərkəzi Xəstəxanasına yerləşdirilib.

Yaralılara tibbi yardım göstərilir. Qəzanın baş vermə səbəbi araşdırılır.