Qusarda avtomobil qəzasında xəsarət alanlar var - FOTO

Qusarın Köhnə Xudat kəndinin ərazisindən keçən hissəsində yol-nəqliyyat hadisəsi baş verib.

Report verir ki, “VAZ-2107” markalı minik avtomobili ilə “Mercedes” markalı mikroavtobus toqquşub.

Nəticədə Qusar rayon sakinləri, 1967-ci il təvəllüdlü Piyalə İmaməddin qızı Məmmədova, 1986-cı il təvəllüdlü Elşad Rahib oğlu Laçınov, 1989-cu il təvəllüdlü Elvin Marif oğlu Heybetov, 1990-cı il təvəlludlü Elvira Rafik qızı Əmiraslanova, 1992-ci il təvəllüdlü Murda Namid oğlu Məmmədov və 2005-ci il təvəllüdlü Naira Yaşar qızı Paşayeva müxtəlif dərəcəli bədən xəsarətləri alıblar.

İlkin məlumata görə, hadisəyə səbəb minik avtomobilinin ötmə əməliyyatı etməsi olub.

Xəsarət alanların hamısı Qusar Rayon Mərkəzi Xəstəxanasına çatdırılıblar.

Faktla bağlı araşdırma aparılır.