Reys avtobusu “Kamaz”la toqquşdu; 3 ölü, 5 yaralı – FOTO

Kalmıkiya Respublikasında iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə avqustun 26-da gecə saatlarında “Yaşkul – Komsomol – Artezian” avtomagistralının Çernozemelsk rayonu ərazisindən keçən hissəsində qeydə alınıb. Bu barədə “TASS” məlumat yayıb.

Məlumata görə, Maxaçkala – Moskva reysinin həyata keçirən və içərisində 45 nəfərin olduğu sərnişinin avtobusu, “Kamaz” markalı yük maşını ilə toqquşub.

Qəza nəticəsində 3 nəfər ölüb, 5 nəfər isə xəsarət alıb.

Yaralılar, hadisə yerinə cəlb edilən təcili tibbi yardım briqadasının köməkliyi ilə xəstəxanaya çatdırılıblar.

Digər sərnişinlər isə əlavə avtobusla yola salınıblar.

Faktla bağlı araşdırma aparılır.

Namiq Musayev