Rusiyadakı avtoqəzada ölənlərin çoxu Qırğızıstan vətəndaşlarıdır – YENİLƏNİB + VİDEO

Ulyanovsk vilayətinin Nikolaev rayonunda mikroavtobus və iki ağır yük maşınının iştirakı ilə baş verən qəza nəticəsində ölənlərin sayı 16 nəfərə çatıb.

Bədbəxt hadisə nəticəsində həlak olanlar arasında 14 nəfərin Qırğızıstan, 2 nəfərin isə Rusiya vətəndaşı olduğu müəyyən edilib.

İlkin məlumatlara görə, onların marşrutu Qazaxıstan ərazisindən keçib.

Mənbə: TASS

18.15

Ulyanovsk vilayətinin Nikolayevski rayonunda mikroavtobus və iki yük maşınının toqquşması nəticəsində 15 nəfər ölüb.

APA Rusiya mediasına istinadla bildirir ki, ilkin məlumatlara görə, daha bir neçə nəfər, o cümlədən uşaqlar da xəsarət alıb.

Eyni zamanda, TASS-ın məlumatına görə, yeddi nəfər ölüb. Şəxsi “Mercedes-Benz” markalı mikroavtobus və iki yük maşınının toqquşduğu bildirilir.

Fövqəladə Hallar Xidməti əlavə edib ki, qəzaya düşən mikroavtobusda Qazaxıstan vətəndaşları olub.