Sabirabadda avtomobil kanala aşdı, sürücü ağır xəsarət aldı

Sabirabadda avtomobilin kanala aşması ilə nəticələnən yol qəzası baş verib.

Avtosfer.az APA-nın Mil-Muğan bürosuna istinadən məlumat verir ki, hadisə rayonun Azadakənd kəndində qeydə alınıb.

“Mercedes” markalı avtomobili idarə edən kənd sakini, 1986-cı il təvəllüdlü Abdullayev Şahmar Pirəhməd oğlu idarəetməni itirərək avtomobili kanala aşırıb.