Sabirabadda yol qəzası törədən sürücü yaxalandı

Avtosfer.az xəbər verir ki, Sabirabad rayonunda bir neçə gün əvvəl yol nəqliyyat hadisəsi törədən sürücü müəyyən edilib. Bu barədə teleqraf-a Respublika Baş Dövlət Yol Polisi İdarəsindən məlumat verilib. 

Məlumata görə, Baş Dövlət Yol Polisi İdarəsi əməkdaşlarının həyata keçirdikləri əməliyyat-axtarış tədbirləri nəticəsində fevralın 23-də Sabirabad rayonu ərazisində Səxavət Ağasovun xəsarət alması ilə nəticələnən yol-nəqliyyat hadisəsinin “VAZ-2106” markalı avtomobilin sürücüsü, Sabirabad rayon sakini Musa Babayev tərəfindən törədilməsi müəyyən edilib. O, saxlanılaraq barəsində cinayət işi başlanıb. Qeyd edək ki, hadisə rayonun Qaratəpə kəndində qeydə alınıb. Müəyyən edilməmiş avtomobillə yolu keçən kənd sakini Səxavət Ağasov vurulub. Piyada xəstəxanaya yerləşdirilib. Hazırda onun vəziyyətinin ağır olduğu bildirilir.