Sabunçuda 57 yaşlı qadını maşın vurdu

Sabunçuda "Mercedes" yolu keçmək istəyən qadını vurub. 

APA-nın məlumatına görə, hadisə Şəhər şosesi, döngə 5-də baş verib. Şəhər istiqamətində "Mercedes" markalı avtomobili ilə hərəkətdə olan Rəşad Bəhrəmov yolu keçmək istəyən piyada, 57 yaşlı Zeynəb Qəhrəmanovanı vurub. Sürücü hadisədən dərhal sonra yaralını 3 saylı xəstəxanaya çatdırıb. Xəstəxanadan verilən məlumata görə, piyadanın vəziyyəti ağır olaraq qalır.

Sürücü Rəşad Bəhrəmov ifadəsi alınması üçün Sabunçu Rayon Polis İdarəsinə aparılıb. Faktla əlaqədar araşdırma aparılır.