Sabunçuda 6 yaşlı uşağı avtomobil vuraraq xəsarət yetirib

Bakıda azyaşlının xəsarət alması ilə nəticələnən yol-nəqliyyat hadisəsi baş verib.

"Report"un məlumatına görə, hadisə Sabunçu rayonunda qeydə alınıb.

Məhəmmədi qəsəbəsində avtomobil yolu keçən 2016-cı il təvəllüdlü Hacıyeva İradə Gündüz qızını vurub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona qapalı kəllə-beyin travması və baş-beyin əziyi diaqnozları qoyulub.

Hadisənin təfərrüatı araşdırılır.