Salyanda avtomobil betona çırpılıb, sürücü ölüb

Salyanda ölümlə nəticələnən yol qəzası baş verib. Avtosfer.az-ın xəbərinə görə, hadisə Ələt-Astara magistralının 91-ci kilometrliyində qeydə alınıb. “Reno megan” markalı, 99 VD 376 dövlət nömrə nişanlı avtomobil idarəetmədən çıxaraq betona çırpılıb.

Avtomobilin sürücüsü, 1995-ci il təvəllüdlü Məhərrəmov Anar Kamil oğlu hadisə yerində ölüb.

Faktla bağlı BDYPİ-də araşdırma aparılır.