Şamaxıdakı qəza ilə bağlı nazirlik məlumat yaydı

Şamaxı rayonunun Acıdərə kəndində baş vermiş dəhşətli yol-nəqliyyat hadisəsi nəticəsində 6 nəfərin ölməsi, 1 nəfərin xəsarəti ilə bağlı DİN açıqlama yayıb. Avtosfer.az xəbər verir ki, bu bardə Daxili İşlər Nazirliyinin (DİN) mətbuat xidmətindən verilən məlumata görə, yanvarın 4-də saat 15 radələrində Şamaxı rayonunun Acıdərə kəndində Sabirabad rayon sakini Vaqif Ağayev idarə etdiyi "Hovo" markalı yük avtomobilini Ağsu rayon sakini Elmin Əiyevin idarə etdiyi "Mersedes" markalı avtomobilin üzərinə aşırıb, sonradan sürüşərək qarşıdan gələn Bakı şəhər sakini Zöhrab Abbasovun idarə etdiyi "Mersedes" markalı avtomobilə vurub. Nəticədə E.Əliyev və sərnişinləri - Bakı şəhər sakinləri Azər Abbasov, Əntiqə Əiyeva və Fərid Əliyev, habelə V.Ağayev və sərnişini - paytaxt sakini Vaqif Baxşəliyev hadisə yerində ölüb, Z.Abbasovun 1 sərnişini xəstəxanaya yerləşdirilib.