Samuxda maşını arxa-arxaya sürən sürücü su kanalına düşdü - VİDEO

Samux rayonu ərazisində yol-nəqliyyat hadisəsi baş verib. 

Avtosfer.az-ın məlumatına görə, qəza martın 10-da səhər saatlarında qeydə alınıb. Belə ki, hərəkətdə olan 77-HG-567 dövlət nömrə nişanlı “Toyota Corolla” markalı avtomobil su kanalına düşüb. Qəzaya səbəb sürücünün maşını geriyə sürən zaman diqqətsiz davranması olub. Hadisə zamanı xəsarət alan olmasa da, avtomobilə maddi ziyan dəyib. 

Qeyd edək ki, qəzaya düşmüş maşın kanaldan çıxarılıb. 

Faktla bağlı Samux Rayon Polis Şöbəsinin Dövlət Yol Polisi bölməsində araşdırma aparılır.

Nərmin