Samuxda "Nissan" kanala aşdı 

Samuxda ölümlə nəticələnən yol-nəqliyyat hadisəsi baş verib. APA TV-nin qərb bürosunun verdiyi məlumata görə, hadisə ötən gecə rayonun Qarayeri-Qovlarsarı avtomobil yolunda baş verib. Samux rayonunda yaşayan Daşkəsən rayon sakini, 1986-cı il təvəllüdlü Həsənov Səbuhi Akif oğlu idarə etdiyi “Nissan” markalı avtomobili yolun kənarındakı su kanalına aşırıb. Nəticəsində S. Həsənov hadisə yerində ölüb. Faktla bağlı Samux Rayon Polis Şöbəsində araşdırma aparılır.