Şəhərin mərkəzində qəza: Ara məsafəsi saxlamayan sürücü “BMW”ni vurdu - VİDEO

Paytaxtın Nəsimi rayonunda yol nəqliyyat hadisəsi baş verib.

Avtosfer.az-ın əldə etdiyi məlumata görə, qəza oktyabrın 29-da səhər saatlarında Səməd Vurğun küçəsində qeydə alınıb. Belə ki, hərəkətdə olan “Nissan” markalı maşın, 77-LM-899 dövlət nömrə nişanlı “BMW” markalı avtomobillə toqquşub. Şahidlərin iddiasına əsasən, qəzaya səbəb “Nissan” sürücüsünün düzgün ara məsafəsi təyin etməməsi olub. Nəticədə o, öndəki maşına çırpılıb. Hadisə zamanı hər iki nəqliyyat vasitəsinə maddi ziyan dəyib. Xoşbəxtlikdən sürücülər arasında xəsarət alan olmayıb.

Qeyd edək ki, faktla bağlı araşdırma aparılır.

Nərmin