Şəkidə iki avtomobil toqquşub, xəsarət alan var

Şəkidə baş verən yol qəzasında azyaşlı xəsarət alıb.

Avtosfer.az-ın məlumatına görə, yol qəzası Yevlax-Zaqatala-Gürcüstan sərhəd magistiral yolunun 42-ci kilometrliyində, Şəki rayonu Cəfərabad kəndi ərazisindən keçən hissəsində baş verib. Belə ki, Şəki rayonu Çələbixan qəsəbə sakini, 1993-cü il təvəllüdlü Orxan Asəf oğlu Muradovun idarəetdiyi "QAZ" markalı, 99 JT 312 dövlət nömrə nişanlı avtomobillə Turan qəsəbə sakini, 1978-ci il təvəllüdlü Əfqan Nağdalı oğlu Orucovun idarə etdiyi "VAZ 2107" markalı 10 KZ 045 dövlət nömrə nişanlı avtomobil toqquşub. Qəza zamanı "VAZ 2107" markalı avtomobildə olan 2014-cü il təvəllüdlü Əhəd Hafiz oğlu Heydərov aldığı müxtəlif dərəcəli bədən xəsarətləri ilə Şəki Rayon Mərkəzi Xəstəxanasına daxil olub.

Faktla bağlı araşdırma aparılır.