Sərnişin avtobusu aşıb

İrkutsk vilayətində içərisində 40 sərnişini olan avtobus aşıb. SİA-nın rus saytlarından əldə etdiyi məlumata görə, bu barədə İrkutsk vilayət prokurorluğu məlumat yayıb.

Verilən məlumata görə, avtomobil yoldan çıxaraq aşıb. Hadisə nəticəsində biri azyaşlı olmaqla 7 nəfər xəsarət alıb.

İlkin məlumata görə, sürücü yol işləri ilə bağlı xəbərdarlıq edən nişanları görməyib. Nəticədə 17 yaşlı yeniyetmə və daha 6 nəfər kömək üçün həkimlərə müraciət ediblər.

Ağır xəsarət alan 58 yaşlı sərnişin xəstəxanaya yerləşdirildiyi, yüngül bədən xəsarətləri alan qalanlarını isə evə buraxıldıqları bildirilir.