Şirvanda ağır yol qəzası: xəsarət alanlar var

Şirvanda ağır yol-nəqliyyat hadisəsi baş verib. Avtosfer.az xəbər verir ki, bu barədə məlumat Şirvan polis şöbəsindən apa-ya verilib. Məlumata görə, hadisə bu gün saat 16.00 radələrində Şirvan şəhəri Heydər Əliyev prospektində qeydə alınıb. Şirvan sakini, 1996-cı il təvəllüdlü Həsənov Miradil Mirdadaş oğlu idarə etdiyi VAZ 2107 markalı 90 KA 367 dövlət nömrə nişanlı avtomobili təhlükəli dönmə əməliyyatı yerinə yetirərkən həmyerlisi, 1992-ci il təvəlüdlü Əliyev Nurlan Nazim oğlunun idarə etdiyi KamAZ markalı 54 BE 917 dövlət nömrə nişanlı avtomobilə çırpıb. Zərbənin gücündən VAZ 2107-nin sürücüsü avtomobilin pəncərəsindən yola düşüb. Nəticədə o, ağır kəllə-beyin travması ilə Şirvan şəhər xəstəxanasının reanimasiya şöbəsinə yerləşdirilib.

Faktla bağlı Şirvan polis şöbəsində araşdırma aparılır.