Sükan arxasında ürəyi tutan sürücü qəza törətdi - 4 maşın toqquşdu - VİDEO

Naxçıvan şəhərində zəncirvari yol-nəqliyyat hadisəsi baş verib.

Avtosfer.az-ın məlumatına görə, qəza yanvarın 8-də səhər saatlarında Dilqəm Pişəvəri küçəsində qeydə alınıb. Naxçıvan şəhər sakini, 1953-cü il təvəllüdlü Məmmədov Namiq Qəzənfər oğlunun sükan arxasında qəfil ürəyi tutub. Nəticədə idarəetmədən itirən sürücü qəzaya səbəb olub. Hadisə zamanı   “Hyundai”, “Mercedes” və “Chevrolet” markalı avtomobillər toqquşub. Ürəyi tutan sürücü Naxçıvan Muxtar Respublikası Xəstəxanasına yerləşdirilib, vəziyyətinin kafi olduğu bildirilib.

Qeyd edək ki, faktla bağlı araşdırma aparılır.