Sükan arxasında yatan sürücü qəza törətdi - VİDEO

Ötən gecə Bakıda xəsarətlə nəticələnən yol qəzası baş verib. Hadisə gecə saat 01.00 radələrində Azadlıq prospektinin Rəsulzadə qəsbəsindən keçən hissəsində qeydə alınıb. Prospektlə hərəkət edən "Azsamand" markalı nəqliyyat vasitəsinin sürücüsü qəflətən idarəetməni itirib. Nəticədə əks hərəkət zolağına çıxan avtomobil "BMW" markalı minik maşını ilə toqquşub. İlkin məlumata görə, hadisə nəticəsində "Azsamand"ın sürücüsü yüngül xəsarət alıb. Avtomobillərə isə ciddi ziyan dəyib.

Yol-Patrul Xidmətinin əməkdaşları hadisə yerində araşdırma aparıblar. İlkin araşdırmalardan sonra məlum olub ki, qəza "Azsamand"ın sürücüsünün sükan arxasında yuxulaması nəticəsində baş verib. Faktla bağlı araşdırmalar davam etdirilir. APA TV