Sumqayıtda üç avtomobil toqquşdu - FOTO

Sumqayıtda yol-nəqliyyat hadisəsi baş verib.

Avtosfer.az-ın  "Report"-a istinadən məlumatına görə, hadisə şəhərin Koroğlu küçəsində qeydə alınıb.

Belə ki, 99-GS-741 dövlət nömrə nişanlı "Opel" markalı avtomobil sürət həddini aşaraq, arxadan 99-XA-325 dövlət nömrə nişanlı "Hyundai" markalı avtomobilə çırpılıb. “Opel“ bundan sonra yol kənarında dayanan 50-BT-345 dövlət nömrə nişanlı "Mercedes" markalı avtomobilə çırpılıb.

Qəza nəticəsində xəsarət alan olmasa da hər üç avtomobilə ciddi ziyan dəyib.

Hadisə yerinə DYP əməkdaşları və təxliyə maşını cəlb olunub.