Suriya sahillərində qeyri-qanuni miqrantların olduğu qayığın qəzaya uğraması nəticəsində ölənlərin sayı 92 nəfərə çatıb.

Məlumata görə, gəmidə 120 sərnişin olub və onlardan bəziləri hələ də itkin düşmüş sayılır.

Gəmidə əsasən Livan, Suriya vətəndaşları və fələstinlilər olub.

Mənbə: life.ru

00:29

Suriya sahillərində miqrantları daşıyan qayığının batması nəticəsində 71 nəfər həlak olub.

Avtosfer.az bildirir ki, məlumatı Suriyanın Səhiyyə Nazirliyi yayıb.

Bildirilib ki, hadisə zamanı qayıqda livanlı, suriyalı və fələstinli miqrantlardan ibarət 120-150 nəfərin olduğu güman edilir. Onların arasında qadınlar və uşaqlar da olub. Sağ qalan 20 nəfərin Suriyanın Tartus şəhərində xəstəxanaya yerləşdirildiyi açıqlanıb.

Qəzaya nəyin səbəb olduğu bilinmir. Hadisə ilə əlaqədar axtarış-xilasetmə işləri davam etdirilir.

Rəsmilər qayığın Tripoli yaxınlığındakı Minyeh şəhərindən Avropaya doğru yola çıxdığını bildirirlər.