Təhlükəsizlik qüvvələrinn olduğu avtobus aşdı, 52 nəfər...

Qazaxıstanın Aktobe vilayətində içərisində 52 sərnişinin olduğu avtobus aşıb.

Avtosfer.az xəbər verir ki, bu barədə Daxili İşlər Nazirliyi məlumat yayıb.

"Aktobe vilayətində avtobus aşıb. Oktyabrın 13-də Samara-Şımkent avtomobil yolunun Akjar kəndi yaxınlığında "Setra" markalı sərnişin avtobusunun iştirakı ilə yol-nəqliyyat hadisəsi baş verib. Avtobus dərəyə aşıb", - deyə nazirlikdən bildirilib.

Qəza qəza zamanı avtobusda 52 sərnişin olub, onlardan 9-u xəsarət alıb.

"Avtobusda 52 sərnişin olub. Onlar təhlükəsizlik orqanlarından birinin əməkdaşlarıdır və növbə dəyişmək üçün əraziyə gedirdilər. Qəza nəticəsində müxtəlif dərəcəli bədən xəsarətləri alan 9 sərnişin Xromtau şəhər mərkəzi xəstəxanasına çatdırılıb”, - deyə məlumatda qeyd olunub.

Lent.az