Tovuzda qəzada sürücü və azyaşlı ölüb, 2 nəfər xəsarət alıb - FOTO - YENİLƏNİB

Tovuzda baş verən qəzada ölənlərin sayı 2 nəfərə çatıb.

Avtosfer.az -ın xəbərinə görə, qəzadan sonra ağır vəziyyətdə xəstəxanaya yerləşdirilmiş "VAZ 2107" markalı minik avtomobilinin sürücüsü 1990-cı il təvəllüdlü İsmayılzadə Müşviq də həkimlərin səyinə baxmayaraq həyatını itirib.(APA)

16:00

Tovuzda baş verən qəzada xəsarət alanların adları məlum olub.

Avtosfer.az -ın xəbərinə görə, "VAZ 2107" və "Mercedes" markalı minik avtomobillərinin toqquşması nəticəsində Daşkəsən rayon sakinləri - 1988-ci il təvəllüdlü Əliyev Elçin, 1992-ci il təvəllüdlü Aslanov Elçin və Tovuz rayon Düz Cırdaxan kənd sakini 1990-cı il təvəllüdlü İslamzadə Müşviq xəsarət alaraq xəstəxanaya yerləşdiriliblər.(APA)

14:40

Tovuzda ölümlə nəticələn yol qəzası baş verib.

Avtosfer.az -ın  xəbərinə görə, hadisə rayonun Düz Cırdaxan kəndində qeydə alınıb.

Hərəkətdə olan iki avtomobil toqquşub. Qəza zamanı 3 nəfər xəsarət alıb, bir azyaşlı hadisə yerində ölüb.

Hadisə yerinə Baş Dövlət Yol Polisi İdarəsinin əməkdaşları cəlb olunub.(APA)