“Toyota” yüksək sürətlə yük maşının altına girdi; 2 ölü, 1 yaralı - VİDEO
Qəzalar
3 Avqust 2020 13:44
Oxunub 1076
Rusiyanın Moskva əyalətində minik və yük avtomobillərinin iştirakı ilə ağır yol qəzası baş verib. Avtosfer.az xəbər verir ki, hadisə avqustun 3-də M-7 “Volqa” trasının Balaşixi şəhəri ərazisindən keçən hissəsində qeydə alınıb.
Məlumata görə, yüksək sürətlə hərəkətdə olan “Toyota” markalı minik avtomobili, sürücünün idarəetməsindən çıxaraq, yol kənarında park edilmiş yük maşının qoşqusuna arxadan çırpılıb.
Zərbənin təsirindən minik avtomobili qoşqunun altına girib.
Qəza nəticəsində 2 nəfər ölüb, 1-i isə ağır xəsarətlər alıb.
Yaralı, hadisə yerinə cəlb edilən təcili tibbi yardım briqadasının köməkliyi ilə xəstəxanaya çatdırılıb.
Faktla bağlı araşdırma aparılır.
Namiq Musayev
ŞƏRH YAZ
DİGƏR XƏBƏRLƏR