Türkiyənin İstanbul şəhərində metrobusların toqquşması nəticəsində xəsarət alanların sayı artıb.

Avtosfer.az bu barədə "Anadolu" agentliyinə istinadən xəbər verir.

Məlumata görə, xəsarət alanların sayı 99 nəfərə çatıb.

Hadisə yerinə təcili yardım, xilasedicilər və polis əməkdaşları cəlb olunub. Xəsarət alan sərnişinlər xəstəxanalara yerləşdirilib, onların müalicəsi davam edir.

09 sentyabr, 22:50

Türkiyədə dəhşətli zəncirvari yol qəzası olub.

Avtosfer.az “haber7.com”a istinadən xəbər verir ki, İstanbulda dörd metrobus toqquşub. Sonradan 2 mikroavtobus və bir neçə minik maşını da onlara çırpılıb.

Qəza zamanı metrobusda olan insanlar şüşələri qıraraq çıxmağa çalışıblar. Qəza zamanı 50-yə yaxın insanın ağır yaralandığı bildirilir.

Əraziyə təcili yardım maşınları, xilasedicilər və polislər cəlb olunub.

Hadisənin görüntülərini təqdim edirik: