“VAZ”la toqquşan “BMW” səkidə çıxdı, 3 nəfər xəsarət aldı - FOTO

Quba şəhəri ərazisində yol qəzası qeydə alınıb.

Avtosfer.az-ın məlumatına görə, hadisə noyabrın 22-də səhər saatlarında baş verib. Hərəkətdə olan 40-BM-326 dövlət nömrə nişanlı “VAZ-2107” markalı maşın, 77-BX-285 dövlət nömrə nişanlı “BMW” markalı avtomobillə toqquşub. İddialara əsasən, qəzaya səbəb yüksək sürət həddi olub. Zərbənin təsirindən “BMW” səkiyə çıxıb. Hadisə zamanı nəqliyyat vasitələrinə  maddi ziyan dəyib, 3 nəfər müxtəlif dərəcəli bədən xəsarətləri alıb.

Qeyd edək ki, faktla bağlı araşdırma davam edir.

Nərmin