Xaçmazda maşın ağaca çırpılıb, xəsarət alanlar var  - FOTO

Xaçmaz şəhərində yol-nəqliyyat hadisəsi baş verib.

Apa-nın verdiyi məlumata görə, hadisə şəhərin Heydər Əliyev prospektində qeydə alınıb. Yüksək sürətlə hərəkət edən "Opel" markalı avtomobil yoldan çıxaraq ağaca çırpılıb. Qəza nəticəsində maşında olan 3 nəfər müxtəlif dərəcəli bədən xəsarətləri ilə Xaçmaz Mərkəzi Rayon Xəstəxanasına yerləşdirilib.

Faktla bağlı araşdırma davam edir.