Xızıda və Bərdədə ağır yol qəzaları baş verib - ölənlər və yaralananlar var

Bakı-Quba yolunda qəza olub, ölən və xəsarət alan var.

Hadisə magistralın Xızı ərazisində baş verib.

Həmin ərazidə iki avtomobil toqquşub. Nəticədə avtomobillərdən biri yol ayrıcında olan maneələrə çırpılıb.

Qəza nəticəsində Süleyman adlı şəxs dünyasını dəyişib. Maşında olan 59 yaşlı Mehbarə Abbasova isə xəsarət alaraq xəstəxanaya yerləşdirilib. Meyit müayinə olunması üçün aidiyyəti üzrə təhvil verilib. Faktla bağlı araşdırma aparılır.

Bərdədə isə  avtomobil iki piyadanı vurub. Nəticədə onlardan biri ölüb.Hadisə şəhərin Həzi Aslanov küçəsində baş verib. Yolu keçmək istəyən 2000-ci il təvəllüdlü İsmayılova Röya Qoşqar qızı həyatını itirib. Onun həyat yoldaşı, qəzada xəsarət alan 1993-cü il təvəllüdlü İsmayılov Adəm Akif oğlu Bərdə Rayon Xəstəxanasına yerləşdirilib. Piyadaları vuran sürücü hadisə yerindən qaçıb. Polis onu axtarır.