Yanacaq daşıyan maşın avtomobillər toqquşdu - Çoxsayda ölü var

Hindistanda yanacaq daşıyan tankerin digər maşınlarla toqquşması və yanğının başlaması nəticəsində ən azı 5 nəfər ölüb, 35 nəfər yanıq xəsarətləri alıb.

Avtosfer.az söz.az-a istinadla xəbər verir ki, bu barədə “Press Trust of India” polisə istinadən məlumat yayıb.

İnsident dekabrın 20-nə keçən gecə Qərbi Racastan ştatında Caypur-Ajmer milli magistral yolunda baş verib. 

Qəza yerinə 25 təcili tibbi yardım maşını gəlib. Zərərçəkənlər yerli xəstəxananın reanimasiya şöbəsinə yerləşdirilib. 

Magistral yolun 300 metrlik hissəsi toqquşma nəticəsində yararsız hala düşüb.

Hadisə zamanı 40-a yaxın avtomobil yanıb.  Güclü yanğına avtomobillərin hərəkətinə mane olub.